حكاوي ستي
حكاوي ستي "1"
يالله زمان كنا محلانا في بعض ، وشو بنحسب حساب لبعض
بيوم من هالايام وبليلة من الليالي ..
كان ابوي يستي سهران عند المتخار فوك ، ورجع متوخر بنص الليل ،، ورجع متوخر بنص الليل ، امي بتكلو ول يزلمي وليش مبدل سباطك ، اطلع ابوي لقي السباط الي برجلو مش الو ، قال ول وش جاب هالسباط لرجلي ، هذا وكاد سباط واحد من الزلم الي كانو سهرانين معي عند المختار فوك ، وانا متخربط فيه وعهد الله ما قشعتو من العمتمه ، وانا بكول سباطي مخروك وطول الطريك رجليه نشفات
، هاتي لسراج يمرة ، لارجع اشوف هالسباط لمين ، كلتلو امي ول يزلمي الصباح رباح ، كلها بدك يكولو ابو حسن ذنى نفسو وسرك سباط يا عيب الشوم ، والله لعرف صاحبو كبل فجت الضو زيحي غاد من طريكي ، والله يستي وراح ابوي بلش من دار المختار ، وضل يلفلف عليهم واحد واحد بنصاص الليلي ، وبالاخير عرفو انو السباط لواحد ضيف من برات البلد اسمو كان ابو ضباع ، كلو المختار لابوي ول يبو حسن بدك تروح عالبلدة تعت او ضباع والله لذياب ولضباع بكلوك اكل بهالليل ، كلو ابوي يستي ، يكلوني ولا ما يكلوني
بس ما حد يكول ابو حسن ذنى نفسو لسباط ، وراحلك ابوي عالبلدة الي جمبنا ورجع السباط لابو ضباع ورجع حافي ، طيب يستي ليش مخذ سباطو المخروك ، مهو يستي مرضيش يفيكو زكلو اياه زك من تحت بابهم ورجع حافي ، ومن يميها يستي صارت كل الناس تخبي عند ابوي غرضانها وذهبها .
يالله زمان كنا محلانا في بعض ، وشو بنحسب حساب لبعض
بيوم من هالايام وبليلة من الليالي ..
كان ابوي يستي سهران عند المتخار فوك ، ورجع متوخر بنص الليل ،، ورجع متوخر بنص الليل ، امي بتكلو ول يزلمي وليش مبدل سباطك ، اطلع ابوي لقي السباط الي برجلو مش الو ، قال ول وش جاب هالسباط لرجلي ، هذا وكاد سباط واحد من الزلم الي كانو سهرانين معي عند المختار فوك ، وانا متخربط فيه وعهد الله ما قشعتو من العمتمه ، وانا بكول سباطي مخروك وطول الطريك رجليه نشفات
، هاتي لسراج يمرة ، لارجع اشوف هالسباط لمين ، كلتلو امي ول يزلمي الصباح رباح ، كلها بدك يكولو ابو حسن ذنى نفسو وسرك سباط يا عيب الشوم ، والله لعرف صاحبو كبل فجت الضو زيحي غاد من طريكي ، والله يستي وراح ابوي بلش من دار المختار ، وضل يلفلف عليهم واحد واحد بنصاص الليلي ، وبالاخير عرفو انو السباط لواحد ضيف من برات البلد اسمو كان ابو ضباع ، كلو المختار لابوي ول يبو حسن بدك تروح عالبلدة تعت او ضباع والله لذياب ولضباع بكلوك اكل بهالليل ، كلو ابوي يستي ، يكلوني ولا ما يكلوني
بس ما حد يكول ابو حسن ذنى نفسو لسباط ، وراحلك ابوي عالبلدة الي جمبنا ورجع السباط لابو ضباع ورجع حافي ، طيب يستي ليش مخذ سباطو المخروك ، مهو يستي مرضيش يفيكو زكلو اياه زك من تحت بابهم ورجع حافي ، ومن يميها يستي صارت كل الناس تخبي عند ابوي غرضانها وذهبها .
ـــــــــــــــــــــــــــــــــــــــــــــ
حكاوي ستي" 2 "
يالله كنا ما أكوسنا بالكبار زمان برو أمهاتكم ....
خطرة يستي اجتلك على امي جرتها ام عياد المدنية
وخرفتنا هالخريفة والله تكولي انها كذب بكذب
كال أشو ... نطين سرسرية على جرا ن اهلها بالمجدل
هديك المجدل مدينة كبيرة وكلها نساجين وجدالين
بنسجو وببيعو للناس وبتلاكي مع أهلها مصاري كثير
أشبدك بالطويلة الحصلو نطين على جران اهلها سرسرية أثنين بالعدد
، وهذولاك جران أهلها ، كلهم مسافرين عبلاد برة
ومخليين أمهم المسكينة لحالها بالدار لا بتشكع ولا بتركع
مرة عيانة وكبيرة بالعمر ، وهالدار بسرح فيها الخيال من وسعها،
، كال نطين السرسرية ، لكيينها عيانة وسخنانه وبتفور تفوير من لسخونه
كعدين عندها وحطنلها كمدات مية مبردة ومطببينها
وكعدين يطعمو فيها تمخليينها زي البومب ، ورادة الها صحتها أخرة مرة ،،
وكايمة من فراشها كيلالهم منو أنتو..؟
كيلنلها والله يحجة بدك الصحيح أحنا حرمية مقطوعين من شجرة
، نطينا عليكي تنسركك لكناكي مرضانة ،
وما هنتي علينا طببناكي لحتى صرتي منيحة ،
كلتلهم الله يرضى عليكم يمه والله لوما لحقتوني كان رحت فيها ،
هاضه الله بعتكم الي ، كلها الحرامي الله اببعتش حرمية يحجة
، كلتلو لا ببعت ببعت ، والله يما الي ولاد سركو عمري كلو وما حد فيهم بطل عليه
، وبعمرهم ما سوو معي سواتكم هذي الي سوتوها
، وكعدو جمبي وطببوني والله يمه برتمي كل رمية
ولا هيه ولا حد بدرى فيه غير رب العالمين
اوعى يستي ادشر امك وتروح عبلاد برة اوعى يستي
اجرمنعنو يستي مقبلتيش ولادك يقرو برة
نبيل العريني " بلدة زرنوقة "
يالله كنا ما أكوسنا بالكبار زمان برو أمهاتكم ....
خطرة يستي اجتلك على امي جرتها ام عياد المدنية
وخرفتنا هالخريفة والله تكولي انها كذب بكذب
كال أشو ... نطين سرسرية على جرا ن اهلها بالمجدل
هديك المجدل مدينة كبيرة وكلها نساجين وجدالين
بنسجو وببيعو للناس وبتلاكي مع أهلها مصاري كثير
أشبدك بالطويلة الحصلو نطين على جران اهلها سرسرية أثنين بالعدد
، وهذولاك جران أهلها ، كلهم مسافرين عبلاد برة
ومخليين أمهم المسكينة لحالها بالدار لا بتشكع ولا بتركع
مرة عيانة وكبيرة بالعمر ، وهالدار بسرح فيها الخيال من وسعها،
، كال نطين السرسرية ، لكيينها عيانة وسخنانه وبتفور تفوير من لسخونه
كعدين عندها وحطنلها كمدات مية مبردة ومطببينها
وكعدين يطعمو فيها تمخليينها زي البومب ، ورادة الها صحتها أخرة مرة ،،
وكايمة من فراشها كيلالهم منو أنتو..؟
كيلنلها والله يحجة بدك الصحيح أحنا حرمية مقطوعين من شجرة
، نطينا عليكي تنسركك لكناكي مرضانة ،
وما هنتي علينا طببناكي لحتى صرتي منيحة ،
كلتلهم الله يرضى عليكم يمه والله لوما لحقتوني كان رحت فيها ،
هاضه الله بعتكم الي ، كلها الحرامي الله اببعتش حرمية يحجة
، كلتلو لا ببعت ببعت ، والله يما الي ولاد سركو عمري كلو وما حد فيهم بطل عليه
، وبعمرهم ما سوو معي سواتكم هذي الي سوتوها
، وكعدو جمبي وطببوني والله يمه برتمي كل رمية
ولا هيه ولا حد بدرى فيه غير رب العالمين
اوعى يستي ادشر امك وتروح عبلاد برة اوعى يستي
اجرمنعنو يستي مقبلتيش ولادك يقرو برة
نبيل العريني " بلدة زرنوقة "
الحكاية بلسان نبيل العريني من " بلدة زرنوقة "
ليست هناك تعليقات:
إرسال تعليق