لو البنات يخطبوا الاولاد شو يصير؟؟؟!!!!
------------------------------
لو البنات يخطبوا الاولاد شو يصير؟؟؟!!!!
بسم الله الرحمن الرحيم
السلام عليكم ورحمة الله وبركاته
لحد يزعل من شباب لما يقرا الموضوع
تخيل وأنت جالس بغرفتك تقراء كتاب رومنسي وانواع الاحلام الوردية وسرحان بفارسة احلامك الا وامك داخلة عليك وتوها جاية من استراحة ..
وتقولك : يا ولدي .. ودي اكلمك في موضوع
ترد انت وبكل خوف : خير يمه
وتقول امك : ترى جارتنا ام خالد اخطبتك لبنتها وانت ما شاء الله عليك كبرت واحلويت والكل يخطبك ها وش رايك ؟؟..
نزلت راسك
وقمت تلعب بصابعك مستحي والخدود حممممممرا
وتقول : الراي رايك يمه
تقول امك : انا بصراحه ما شوف في البنت شي ما شاء الله عليها محترمه وظيفتها زينة وراتبها ممتاز ومن عائله محترمة ومن البيت للمسجد ولاعندها سوالف وخربطة ولا تشرب ولا دخن ولاتروح لإستراحات البنات يعني بنت محترمة
وتقول : انت يمه بس هي ما بعد شافتني انا اذا طلعت دايم متلطم بشماغي وبعدين ابي اكمل دراستي ..
تقول امك : لا لا قد شافتك وانت نازل من الباص .. وسألت عنك .. وقالوا : انه خوش ولد ماهوب راعي سوق ولا يطلع الا مع ابوه .. افا .. والله .. فشيله .. بس بكمل خخخخ .. وترى هي وامها بيجون يشفونك يوم الخميس
وتسأل : طيب يمه ابوي وش رايه ؟..
تقول امك : ابوك مابعد درى خله حايس بالمطبخ الله يعينه
ثم تطلع امك من الغرفة
وإنت تقوم تنط قدام المرايا وتاخذ نص لفه يمين ونص شمال تشوف جسمك وتمشط شعرك بدلع .. ياعيني
وتقول : اه واخيرا أخطبتني .. لا لا ما يصير بس بكمل
وجاء اليوم الموعود!!!
وقمت تستعد وتفكر وش تلبس وشلون بتدخل عليها وانت تقول : يا الله استحي يوووه صوت الباب ياوييلي جو
شوي ويجي ابوك ويقولك : بسرعة دخل العصير على خطيبتك .. ترى امك اذبحتنا .. تسأل عنك ..
تنزل من غرفتك ..
وتاخذ صينية العصير ..
وتدخل بكل نعومه ..
وتقول : السلام عليكم
ترد البنت وعليكم السلام
وتقدم العصير لها وهي تناظرك من فوق لتحت ..
تطلع بسرعة من الحياء مقدرت تجلس
وتلقى اخوانك مستنينك ويقولون : ها ااا بشر ؟؟..
وانت مستحي
تقول : يوه خلاص عاد !
يجي ابوك ويقول : كللللللللللللللللللللوووش .
للمزيد من مواضيعي
ليست هناك تعليقات:
إرسال تعليق