نكت وورطات زوجية

بسم الله الرحمن الرحيم

======================

نكت وورطات زوجية 

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

رجل بيقرأ لزوجته معلومة !!

وبيقول لها : هل تعرفين أن المرأة تنطق 30،000 كلمه في اليوم ؟!

بينما ينطق الرجل حوالي 15،000 فقط !!

ردت عليه : هذا صحيح . .

لأننا النساء نضطر دائماً أن نعيد الكلام . .

مرتين للحمير حتى يستوعبووون !!

رد عليها زوجها : ايه ؟!

قالت : شفت يعني لازم أعيد إللي قلته هُهُْهُهُْآأيُ..

=-=-=-=

عريس اخذ عروسته من القاعة , جو أهلها بيسوون لها موكب والعريس رأسه يابس , وهو رايح , يابن الحلال مو عشانك عشان بنتنا !!
ولا فيه فايده , المهم أخذ زوجته وراح يتمشى فيها(مسوي فيها رومانسي) وازعجها طوال الطريق : وش تبين تتعشين ؟..
وهي تقول : سلامتك ما أبغى شيء ..
ويقول : لالالالا لازم تأكلين شيء ؟..
وهي تقول : والله ما أبغى شيء ..
ويقول : لالالالالا وش هالكلام .. ( ياخي فقعت مرارتها موناقصتك ) !..
وأصر أنه لازم يشتري لها شيء ..
قالت : خلاص ببسي
(يا عمري بسيطة )


المهم نزل الأخ يجيب لها ببسي ( وطبعا ترك السيارة شغاله عشان ماتفطس من الحر ) ,, 
يوم رجع ؟؟.. وين السيارة ؟.. 
وين زوجتي ؟.. 
وين ما وين ؟!..
طبعا السيارة وأكيد البنت انسرقوا : ( فيه مجرم بيشوف له سيارة فخمة وبداخلها عروس كاشخه ويقول لا !!!!) ..
=-=-=-=

عريس توووه أخذ عروسته من أهلها وموديها للبيت (طبعا كان الوقت متأخر والشوارع تقريبا فاضيه في حارتهم ) ..
قال العريس : وش رايك اوريك حركه حلوة ؟..
(قصده يفحط , !! )
قالت : لا ما يحتاج .. ( البنت موناقصة ترويع كافي عليها أنت ! )
قال : إلا إلا شوفي هذي .. 
ولا صحت إلا بالمستشفى , وقضوا أجمل شهر عسل على الاسره البيضاء ..=-=-=-=

عريس دخل على عروسته وحط يده على جبهتها !.. 
وبعدين سكت .. ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه .. واخر شيء قال : " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!! (المسكينة معذوره وش ذا الأخ بيسافر ؟!.. )=-=-=-=

هذي القصة صارت فعلا مع واحد أعرفه شخصياًً ..

عرسان يسولفون لليلة العرس (مكبرين المجلس) , ومافيه موضوع إلا وتكلمو عنه (طبعا هذا أول يوم والسوالف الحلوة) ووصلو لموضوع جدول الضرب (أنا مدري وش اللي وصلهم له ؟!.. يبدو انه مدرس رياضيات)
قالت العروسه : تصدق حتى الآن ما حفظته .
قال : ولا يهمك وجاب ورقه وقلم وجلس يعلمها=-=-=-=

عرسان يسولفون , سألها : وش هو الفريق اللي تشجعينه ؟.. 
قالت : (..)
قال لها : وع ع ع ع ع ع من زينهم هم ولعبهم أساسا فريقي ( .. ) هزئهم في الدوري 3/0 , وفريقي اخذ الكأس 10 مرات وفريقك ما أخذوه إلا مرتين , واساسا مدربهم ما عنده سالفة , واللاعب اللي جايبينه من برا ماسووا لهم شيء ولاعبكم اللي شايفين أنفسكم فيه هزئه المدافع حقنا و...... و.................... و....................
( الأخ أخذ جو وجاب السيرة الذاتية والتفصيلة للفريقين بس مالاحظتوا شيء غريب أن البنت ساكتة وفريقها يتهزأ )
وبعد ماخلص المحاضرة الطويلة , قالت له : تعال أبيك برا الغرفة !!
يوم طلعو دخلت وصكت الباب بوجهه ونام المسكين في المقلط
( يا غبي وش محك لسانك تهزأ فريقها !! كان صبرت كم يوم وبعد كذا قل كل اللي بطبلونك )
=-=-=-=

عروسين يموتون ببعض (ماصدقو انهم أتزوجو) , حبت العروس تمزح مع زوجها صباحيه العرس حطت المسدس على صدره على بالها تقومه بأسلوب آخر , ومن غير قصد منها انطلقت الرصاصة اللي في المسدس (وطبعا العريس إلى رحمة بارئه) , صدمت البنت كيف تقتل حبيبها وزوجها وحياتها وأصر أهل الولد أن تقتل البنت مثله ( لكن البنت مازعلت من تصرف الأهل على العكس فرحت أنها بتروح معه )
( وتم دفنهم جنب بعض )=-=-=-=

أخذ العريس عروسته واتجه إلى بيت أهله ( عشانه يسكن معهم) لكن فوجئ انه كل أبواب البيت الداخلية مقفلة , وجلس بالحديقة هو وزوجته حاول الولد يدخل للبيت باي شكل لكن مافيه فايده , ولا عنده تلفون عشان يكلم ولا يقدر يروح ويترك زوجته لوحدها بالحديقة , ولا يقدر يروح لفندق لانه مامعه أي إثباتات , ولا معه سياره أخوه وصلهم وراح لهذا اضطر يقعد قعده محترمة لحد الفجر لما رجعو أهله ....!


2- حركه حلوه : 3- أحفظ زين...! 4- جدول الضرب 3 في5 = 15 قولي وراي .. (قلبها حصة) 5-فريقي 6-مزحة قاتله .... 7-القعده المحترمة ...!

ارجو ان ينال إعجابكم ...

دمتم في امان الله 

~~~

(•◕  ‿◕•)  

ْمع خالص تحياتي