تمنيت الاكشن وجاني .. قصة قصيره
يلا قفلوا اللمبات 
وكل واحد يجيب مشروبه ويتلحف 
..
وكل واحد يجيب مشروبه ويتلحف ..
كان ياماكان في قريب (الزمان) اللي تقريبا سنتين او حولها 
الحكايه صارت في .. جبال شناندوا سلسة جبال كبيره جداااا في امريكا ولاية ( فرجينيا ) بالتحديد.. فيه منتزه وطني جميل ومضبط اماكن شوي وحمامات الله يكرمكم ومشهوره بوجود الدببه والغزلان مو مسوره كذا مفلوته بغابتهم الجميله
..
.
.
.
بداية يوم بارد
.
بهذا اليوم اللي بدايته برود وتعب وكسسسسل .. ياعمري ماما مجهزه كل شي يبغون يقضونها برا .. سبقونا يختارون مكان وصلنا لهم متأخر على العصر تقريبا وولعنا النار بسرعه ومافي احد وببالي اقول الظاهر الغابه كلها مافيها احد احنا اخر ناس .. لانهم بالعاده العصر خلاص يتوزعون لبيوتهم واحنا تونا نطلع .. شوي وتجي سيارة توقف عندنا وينزلون عائلة ام وابو كبار بالسن وولدين وبنتين كبار برضو يمكن الاصغر اعطيها عمر ١٧ او حولها .. وطق فينا العرق العربي وانتبهنا لاغراضهم اللي ماشاء الله جايبين المطبخ كله .. انبسطت انو فيه احد لاني اكره الاماكن الفاضيه الهاديه .. المهم جلسو جنبنا. صح الابو لابس طاقية اليهود
( مالها دخل المعلومة بس كذا زيادة تفاصيل )
..
.
. بابا استلم الشوي ومايدري اننا تاركين الكاميرا تصوره فيديو والى الان مايدري يشوي ويمدح انه افنن واحد بالدنيا لو تسمعونه بس ولازم نمدح عشان مانضطر نطلب بيتزا ديليفري .. .
.
.
.
وانا مع كل هذا الجمال طاااافيه و طاقتي بالسالب وكنت احتاج شي يغير مودي وجالسه اقول لهم ابغى اكشن .. يارب يصير اكشن اكشنن اكشننننن .. صوت صدا ( جو افلام ) تخيلوها صدا وهبة ريح مع كلمة اكشنننننننننن واوراق تضرب وجهي الذابل 
.
.
.العائله اللي جنبنا يستغلون اخر النهار الجميل وقاموا يرتبون كل شي بسرعه على الطاولات وبدو يشوون وقامو اثنين من عيالهم للحمام هذا الكوخ اللي بالصوره .. يجنن نظيف وكامل من جوا بس مافيه لمبات 
واحنا شعب ليلي نجلس الى الليل يعني ما ناسبنا وصار اكشن صغير لما احتجناه لا مو اكشن الا فيلم مرعب ووساويس وزحمه
.
.
.
جت سياره فيها وحده متحمسه تسأل ماما وبابا تقول: ماشفتو الدب؟! المفروض وصلكم لاننا شفناه قريب وصارت تعطيهم معلومات كيف يعرفون انو وصلهم من اصوات الاوراق اللي تطيح بكثرة وعلامات كثيره كلها يعني انو دب وماما وبابا قامطيييين بعد ماخلصت حاولت تطمنهم انو ترا مايأذي ابدا بس اذا صارت ام ابعدو عنها لانها تحمي ولدها .. الصراحة انبسطت على الدب قلت هذا هو الاكشن ياسلام اصور واريكم دب حقيقي مو حق حديقه انا مبسوطه وماما لحالها حكايه وسوست كل ماراحت تمشي مكان لقيناها
جايه تركض خايفه تقول سمعت ورق يطيح
.
.
.
المهم اكلنا وخلصنا وبدت الدنيا تظلم وجيراننا نشوفهم مختبين وحايسين بشكل ملفت والبنت والولدين مو موجدين والابو والام لسى يرتبون الاكلوالغريب انهم لسى ما اكلو مو من عوايدهم هذي عاداتنا احنا 
..شوي نسمع احد ينادي بصوت عالي شي مو مفهوم ومع الغابه الاصوات واضحه وعاليه .. انا قلت شكله هذا الاكشن الصدق 
ويتوزعون والصوت مستمر احد ينادي بصوت عالي .. احنا بدينا نشيل عفشنا وراح بابا يسأل الابو ايش السالفه .. قال: واحد من اولادي راح يتمشى قال ٥ دقايق وله ٤٥ دقيقه تقريبا ماجى وجواله هنا ما اخذه واصلا مافيه شبكة 
.عاد هنا انا بديت استغفر لا يكون انا السبب واللي وترني كلهم يقولون لي يلا ها هذا الاكشن اللي تمنيتيه 
وصراحه تحسفت على الحبحبه الكبيره اللي جايبينها 
.
.
.خلاص الجو مرا ظلم و جو عندنا يسألون اذا فيه شبكة او لا ولسى الاخو الكبير ينادي .. راحت الاخت الكبيره بالسيارة لاقرب مكان شرطه تطلب لمساعده .. وصاروا لحالهم يبكون وانا مأنبني ضميري قلت محنا رايحين خلونا نشوف يمكن يحتاجون مساعده وفعلا جلسنا وولعنا اللمبات حقت السيارات اتجاه الغابة
.
.
.
.. وصل الشرطي قام يلبس العده وكشاف على الراس ونزل جوا الغابه يدور عليه وتمشي ساعات تخيلو والغابه تفجع مررره ظلام وعشان الشجر طويل مافي حتى نور للقمر وتجي شرطيه ثانيه توزع المهام علينا وتعطينا كشافات وانا واقفه عند السياره استغفر
ومهمتي كانت امسك الكشاف وابحث وانادي.. ف صرنا ندور بالسيارة حولين المنطقه اللي جالسين فايها .. انا فوق السقف ماسكة الكشاف يالله ما احكيكم كيف كان الوضع يخوف يخوووف اسلط الكشاف على الاشياء والدنيا هدووووء بس اصوات الحشرات والضفادع ..
.
.
المكان اللي فيه نور بس واضح واللي حولينه ظلااااام ماينشاف بدون مبالغه وانا صراحه اتلفت وقلبي خايف من اني اشوف شي مو عادي خارج عن المآلوف ( جثه – وحش – اي شي شفته بالتلفزيون )
وكل الافلام المرعبه اللي شفتها تخيلتها قدامي 
..فكنت اسلط الكشاف بين الاشجار وفجأه بدون سابق انذار يطلع لي شي يسطع كذا نقطتين جنب بعض وكل ما اركز يصير اوضح .. من الفجعه نزلت جوا السياره اصرخ واقول وقف في شي يناظرني بقوه .. مدري نوقف والا نكمل لانو يخوف صراحه ومعرف اذا شي حقيقي او من العالم الاخر .. بس قررنا نرجع له وانا مشككه بوضعه
لا تسألوني ايش طلع ؟؟
.
.
.
.
.
.
.
.
.
.
.
.
.
.
.
.
.
.
طلع غزال طعمون متضايق من الكشاف
.. . وهجدت نبضات قلبي الحمد لله وكملنا بحث
وتخيلو صارت الساعة ١١ وشي بالليل والشرطة لسى تلفلف وهم يبكون والولد الكبيراشوفه يضرب بصدره ويشد التيشيرت مقهوور وحزين . .رجعوا الشرطة بعد بحث طويل وقالوا يمكن يكون طايح وانلويت رجله او اغمى عليه لكن الدبب مستحيل تأذيه لنا سنواااات هنا ماصارت ولا قضية لدب اذى شخص .. ف قال روحوا واحنا بنوقف بحث ونرجع لان كذا بنتعرض للخطر كلنا ولا نقدر نبحث بسبب الظلام وبكرا تطلع الشمس ونعيد البحث ..وكانو يسألون العائله بالبدايه عن شخصية الولد وتفاصيل يحتاجونها وصوره له .اخذوا الايميل والرقم عشان يشكروننا .. وانا لسى جالسه اقنع نفسي انو مالي دخل بالسالفه 
رجعنا البيت واحنا نفكر ووراح الكسل وتحول فضول مو طبيعي ابي اعرف فينه ..
عاد بابا بعد كم يوم رجع لنفس المكان يسأل عنه يتطمن راح للشرطه يستفسر بس محد فاكر السالفه ولا هم عارفينها تخيلوا
لسى الحكايه ما امداها تنّسي وصار اكشن ما اظن فجأه كذا ينمحي من ذاكرتهم.. رجع بابا مره محتاروحيرنا معاه
تتوقعون اللي حوليننا كانو مو اوادم ؟! وبس خلصت الحكايه بشكل غامض
.
عاد لحد يعصب مني والله ما اقدر اخترع نهاية من عندي والا نفسي اقول انهم لقيوه وكذا و قاموا يضمونه ويبكون
واكلوا الحبحبه و اعطونا منها كم قطعه بس تدرون بعد تصرف الشرطه وانهم قالوا ندور بكرا اتوقع عرفوا شي من المعلومات حقته وقت الاستجواب وشكيت ان الولد هارب من اهله لان الابو بالبداية كان يشوي ببروووود ولا راح يبحث ويرد على بابا كأنه شي طبيعي انه يختفي . هذا العزاء الوحيد
ولا تعصبون انو مافيه دب .. انا اكثر منكم ابغى دب مو ولد يضيع
ولحد يفقد المصداقيه فيني ترا قصصي حلوه ونهايتها حلوه بس هذي استثنائيه
.
.
.
وتوتا توتا خلصت الحتوتا 
