- قـــصص
- نجـــاح زوجات==============قصتنا اليوم مع زوجة تزوجت منذ ثلاثة عشر عاما فتقول قصتي طويـــله طويله طويله تحمل من الالم والهم والحزن الكثير لكنها تهون عندما اخذ نفس عميــــق وأقول وكلي يقين اللهم اجرني بمصيبتي واخلفني خيرا منها ...ياعزيزاتي تبدأ قصتي بزواجي مر عليه 13 عام والله يجعله زواج الدنيا والاخره ولا يفرق بيني وبين زوجي ولا اي اخت في الله ويبعد عني وعن اخواتي المسلمات المسالمات الحافظات والطائعات لله ورسوله شر فتن بنات ابليس اللهم امين ...هذه القصه القصد من نشرها الفائدة لكل من جربت واللي ماجربت كفاها الله شر فتنة بنات ابليسماكان سائد بهذا الوقت في عائلتنا البنت ماتعدي سنه او سنتين على الدوره الا وهي ببيت زوجهاهتربيتي عند اهلي كانت تربيه واللهم لك الحمد على الستر والحفاظ اولا وأخيرا على نفسي ولكن كنت اعاني من بعض القعد مثل عيب تتزينين كثير ...الضحك كثير مو زين ومن هالسوالف اثرت فيني وفي شخصيتي علشان كذا اقول لكل ام دلعي بنتك خليها انسانه تحس بانوثتها وجاذبيتها ولكن بعتدال مو تضيعينها وتقولين علشان مااحرمها المهم تزوجت رجال صاحب دين واللهم لك الحمد فرحت به كثير مثل اي بنت تتزوج ولكن خلفيتي في الزواج ماكانت زى ما كنت اشوفه مع امي وابوي كل بنت تشوفه من اهلها ...وكنت افكر هذي هي الحياه الزوجيه الين تزوجت وطحت بالمطب الاول قلة خبرتي في الاهتمام بالزوج كشخص. ماكنت اعرف كيف اهتم فيه ابدا لاني فتحت عيني على امي وهي تركض من المطبخ للعيال للحوش للزراعه ولما يجي ابوي تحط له القهوه كلمتين وكلن راح يخلص شغل وطبعا لاننا ننام من وقت مادري كيف امي تتزين لبوي الله يرحمه ولليوم مااعرف للعلم ...امهاتنا وابائنا كانت حياتهم شفافه جدا والزوج ماكان كثير الشروط مثل هالزمان والي يتشرط وما يشوف فيها فايده يتزوج وكانوا قبل يتزوجون لأسباب معينه كالبحث عن العيال او لأن زوجته مريضه او متوفيه فقط ...المهم زوجي كان يكبرني بست سنوات يعني شاب يبي يحس برجولته يحس بعاطفة زوجته واهتمامها ورعايتها له ولكن والله والله والله ماكنت اعرف شئ غير الطبخ وترتيب غرفة نومي وصبري على امه الله يسامحها على افعالها وبس ...جبت اول ولد وبعدها بنت وزوجي كان كثيرالصمت بالبيت مايسولف نهائيا معي ولا انا كنت اهتم لسوالفه لاني مااعرف شو اقول له غير تبي اكل ووقت النوم تعالوا شوفوا حالتي الشعر منكوش ومربوط بشباصه والجلابيه مفتوح الزرار كامل ومتجهزه فقط للارضاع ...وانا عايشه حياتي على هالوضع ...المهم كنت كل مااقول لزوجي وديني لبيت اهلي زوجي يركض بي يركض يبي يفتك مني وماالومه والله ...مااقول انه زوجي ماحاول يصلحني لا والله الرجال كان يلمح لي لكني كنت جاهله ومااعرف اللي يبيه واحسبه يلمح لان اهتم اكثر في البيت وكنت اشتغل شغل يوصل الليل منهد حيلي
كان ينام معي عادي ولكنه يمتاز جونا بالبرود ومو هو متعودة قبل منه هنيه شكيت وقلت زوجي متغير حطيت همي بقلبي وسكت وسكت وسكت ولكن طال السكوت وكبر الهم وكبرت الفجوه بيني وبين زوجي احبه حب خى ولكن مااعرف كيف اجذبه لي اللي اعرفه كنت اطبقه وخلاص اللي رحت فيه لبيت اهلي وعندي من الاخوات خمس ...اللي اصغر مني طبعها غيور وماكانت تحاول تساعدني بشئ وكل مااقولها انا متضايقه تقول لي شو اسوي لك وتتركني بحزني المهم اختي اللي اصغر مني بأربع سنوات وكانت هذيك الايام بثالث متوسط شافتني بالليل ابكي بالحوش من حرقة الالم اللي فيني ...سالتني ليش تبكين قلت متضايقه شوي قالت ليش ...قلت لها امور حريم ماتفهمينها قالت لو تبيني اسمعك بس بسمعك...والحقيقه كنت محتاجه لمن يسمع شكواي وقلت لها كل شئ وهي تسمعني ومن القهر جلست تبكي معي قالت ليش ماتسئلين امي قلت سألتها وقالت اصبري كل الرجال نفس الطبع ...لكني مليت من الصبر هذا الكلام صار وإنا حامل بالطفل الثالث وحملي كان تعب بتعب قالت لي اختي انا ودي اقولك شئ بس اخاف تزعلين مني قلت لها ليش ازعل منك ؟
المهم اختي قالت لي قومي قدامي قمت معها ورحنا لغرفة ملابس اخواتي هالغرفه بعد زواجي بثلاث سنوات اخواتي سونها وكانت كلها مرايا كبيره كنت لما ادخل احس اني بنادي رياضي المهم قالت لي طالعي شكلك طالعت نفسي وقلت شو السالفه قالت ماتدري شو السالفه ركزي بشكلك وتخيلي قدامك وحده ثانيه مو انتي وقولي لي شو تشوفين قدامك ابتداء من شعرك لرجولك وانا بكتب لك اللي تقولينه كله ...قلت لها اشوف وحده لابسه شيله سودا شعرها اسود حاطه على راسها طوق ملون ولابسه حلق ذهبي لابسه ثوب واسع لونه كحلي وبس قالت وجهها بشو مزينته طالعت بوجهي قلت ولا شئ سالتني فيه كحل قلت لا فيه روج قلت لا فيه كريم قلت لا...قالت منظره صحي مشرق قلت لااااا شاحب تعبان من السهر والحمل والولاده قالت خلي عنك الاعذار الوهميه طالعتها وانا مستغربه من كلامها ...قالت كملي نوصل لليدين فتحت يديني وطالعتهم شو ميزت يدينك قلت عادي مثل كل الناس قالت قولي مثل كل الخدامات طالعتها بحزن قالت قلتي ماراح تزعلين مني صح ؟! قلت ايوه قلت قالت نكمل نوصل للرجول وماابي نتعمق لتحت الملابس وصلت انا للي تقصده اختي ولكن انا مااعرف اهتم بهذي الاشياء ومااعــرف
قالت اختي اكيد فهمتي اقصد صح قلت انا ما اعرف قالت كلنا مانعرف لانه محد علمنا وهذي ثاني نقطه انبهها للأمهات علمي بنتك امور النظافة علمي بنتك امور الاهتمام بشعرها بوجهها بجسمها علميها لاتخلينها حرام عليك تظلمينها وتخلين اجمل ايام عمرها تروح بتعليم وهم نكد خليها تتزوج وهي فايف ستار .
قالت انتي مشكلتك انك كنت خوافه وانطويت على نفسك كثير نحن يوم انتي تزوجتي كنا اصغر منك بشويه واذكر هذاك اللي قالت فيه اختنا اللي بيننا الله يعين هالزوج على هالبليده .انا مااقول انتي بليده بالعكس انتي انسانه مميزه والدليل تمييزك بطبخك واهتمامك بعيالك وترتيب بيتك ونظافته ولكن فيه امور ماتعلمتيها ولازم تتعالميها واظن هذا اللي خلى زوجك يبتعد عندك ...وهنا بديت اركب اول درجه من سلالم التغيير في حياتي ...وكانت بداية انطلاقتي على يد اختي الله يوفقها ويخليها ويهنيها وعيالها لاتروحون علشان تسمعون كل الحكايه .المهم قالت لي سالتني اختي كم سؤال عن امور النظافه والصراحه انحرجت منها لانها اصغر مني وكانت احسن مني قلت لها انتي كيف تعرفين هالاشياء قالت انا اقراء قلت تقرين هالامور ضحكة قالت الحين كل شئ ينكتب في الكتب والمجلات وهي تتكلم تذكرت اني مامسكت كتاب اقراه من ست سنوات كان كل وقتي كله كرف وشغل طبعا ام زوجي لعبت دور بنحت شخصيتي كيف ماتبي كانت تبيني مجرد خدامه عندها ومتناسيه انه ولدها كان ممكن يضيع عادي اهم شئ راحتها وراحة بناتها...عطتني اختي ثلاث كتب كل واحد يتكلم عن شئ للمرأه وكيف تكون انيقه وجذابه ولكن ماطبقت اي شئ منهم ابدا ... مافيه وقت عندي للقرأه ابدا من بينظف البيت وبيخلص غسيل سجاجيد عمتي وحوشها ويطبخ اكلها واكل اولادها ...كنت ابي اتغير لكن الوضع مايساعدني واذكر هذاك اليوم اليرجعت فيه من المستشفى والدكتوره معتطني توصيات بعد الحركه كثير لانه المشيمه تحت والطفل فوق وانا بالشهر السابع وممكن تصير ولاده باي لحظه لانه المشيمه نازله كثير تحت تبون الصدق كنت احس بالم في ظهري ولكن من رحمني ام زوجي قالت ماعليك من هالكلام كله خرابيط دكاتره يلا يلا قومي اشتغلي بس وقمت اشتغل كنت اخاف منها كثير مع العلم في البيت شغاله لكني اشتغلت لما رجع زوجي من العمل شافني اغسل السجاده مع الخدامه عصب علي وقال ليش تغسلين قلت امه انا قلت لها قال انا امنعها تتحرك وضعها خطير وانتي مش مهتمه قالت ماراح يصير لها شئ وان صار بنات الناس كثير بنزوجك حسبي الله ونعم الوكيل على كل ظالم هالكلمه هزتني بالكامل مسكني زوجي من يدي ودخلني الغرفه وقال لو سويتي شئ ياويلك قلت زين وجلست العصر هو طلع اول ماطلع جاتني قالت تعا خمي الحوش والخدامه بتصب الماي عليك نظفيه معها قلت زوجي بيعصب قالت ماعليك منه قمت لاني خفت منها ورحت اخم الحوش وانا اخم احس ظهري فيه حراره من الالم ولكني خميته ولم قرنا نخلص وصل زوجي وشافني وانا اغسل عصب مره ثانيه المهم ماوصلنا لوحده بالليل الا وانا بالطوارئ نزل دم وصارت الضجه فكروا الحبل السري انقطع داخل الرحم ولكن الحمد لله جات سلميه وهنيه عصبت امي واعلنت احسن واعظم اعلان قالته بحياتها بنتي ماترجع لبيت هلك تبيها حط لها شقه ولا طلاقها بتموتون بنتي تنومة بالمستشفى اسبوعين في هالاسبوعين جات محاضرات معتبره لزوجي من ابوي الله يرحمه ماتبي بنتنا نحن نبيها رجعها لنا والله ماتدخل بنتي بيت اهلك الا للسلام فقط غيره ماتعيش فيه ثانيه ...وطلعت من المستشفى لبيت اهلي وكلها شهر وانا بشقتي ...وفي هالشهر كان التغيير في بعض الافكار ...عطتني اختي دفتر صغير مدون فيه معلومات كاتبتها هي لنفسها لانها كانت بتتزوج هي واختي الثانيه بعد مااخلص الابعين...مسكت الدفتر وفتحته كان مرتب ومقسم لكل شئ بقسمه ...
قسم للملابس في البيت ونوعيها
قسم للملابس الداخليه ونوعيتها
قسم لملابس النوم ونوعيتها
قسم للعطور والكريمات والبخور <<ماكان عندها شئ ابدا
قسم للعنايه بالنظافه الشخصيه والجسديه ...
وقسم خطير خطير جدا كان عنوانه "مفاتيج الرجل "
وقسم كيف تكونين حبيبة ومميزه عند زوجك ...كنت اقراء فيه مستغربه انا كنت وين والعالم وين كنت اتسائل مقعوله انا من القرن العشريناول شئ اهتميت بتغذيتي بما اني حامل وببشرتي واخذتاول نقطه من النصائح انتبهي لحركاتك جلست قومتك ضحكتكزوجي لاحظ اني ماصرت اقوم واجلس مثل الهمجيه ولا اكل بهمجيه ولا ضحكتي ضحكة وحده مادري من وين صرت اضحك بصوت هادي واحاول انعمه ...من ضمن النصائح للصوت كاناختاري ضحكه تميزك وانتي تضحكين شدي بطنك للداخل علشان تطلع الضحكه اكثر جمالا وبالفعل سويتها وكانت ضحكتي حلوه وكل يسمعها يقول ضحكة دلع
الله يرحم ايام القهقه والتكركيرمشيتي كنت ادبك الارض برجولي وبين كل خطوه وخطوه مطبه خليتها من مترين لذراع واحيانا لزوم الدلع شبر المهم والاهم زوجي صار يركز فيني ويطالع فيني ولكن ماسالني عن سبب تغييري وماكنت ابيه يسال اصلن ...لانه امتاز بالشفافيه المطلقه و بقلبي على الساني واختي كانت محرصه عليه مااقول ولا شئ له اخليه يطالع وبس=========================== - =========
ونكمل القصة بعد بداية التغيير قربت ولدتي وكنت محتاره من بيهتم بالبيت وولدي وبنتي وزوجي يحب فنون الطبخ ...لمحت له بالشغاله اول رد رده علي ليش عند عشر اطفال ومو قادره تشتغلين قلت لا بس اخاف اتعب وخاصه انه كل ولاده اللهم لك الحمد والشكر تجيني حمى لمدة اسبوعين يارب لاتحرمني اجرهم ومن اطلع للمستشفى للشغل والتنظيف يعني مافيه راحه وبيني وبينك يازوجي انا ابي ارتاح ظهري يعورني وابي اهتم فيك اكثر قال انا كذا مرتاح اهتمي ببيتك وعيالك وماعليك مني هالكلمه عورت قلبي كيف مااهتم لك قال افهميها مثل ماتبين وطرت طيران للتيلفون واكلم اختي تصدقين قال هالكلمه شو يقصد بها قالت يقصد وجودك مثل عدمه بقلبه قلت لاتقولين هالكلمه وبكيت قالت نحن اتفقنا من البدايه بدون زعل قلت والحين قالت ماعليك منه انتي صغيره وحلوه وكلها شهر شهرين وهو لازق فيك قلت اتمنى الحين ابيك توفرين عدة اشياء في ولادتك قلت لها مثل شو يعني
المهم قالت اختي شو رايك نروح انا وانتي مع اخوي نشتري ملابس للبيبي ومنها تأخذين شئ لنفسك لاني بروح اشتري شوية اشياء ناقصتني تدرين قرب موعد العرس قلت زين قلت لزوجي بروح معهم فرح لاني بفارق وجهه وقال روحي قلت ابي فلوس قال شيلي الي تبينه كان عندي احساس انه عنده شئ ويبي يفتك من وجهي لكن قلت كلمة وانا كنت حالفه اني اسويها اجيب راسه اجيبه حتى لو كلفني هالشئ عمري المهم اعيش مثل اي وحده بحب واهتمام لاني استحق هالشئ وانا الاولى...
رحنا معهم وكنت مو متعوده اروح اشتري كان هو يشتري لي حتى الملابس الداخليه ماكان يحب ياخذني معه لاي مكان لما شفت الاسواق شو فيها من بلاوي وكيف البنات يلبسون وكان الناس عايشه جلست اقول من كذا مايطالع فيني يشوفني ماانتمى للعالم الانثوي ابدا ...المهم اخذت للبيبي ملابس ورحت اشوف شئ لنفسي واختارت لي اختي ملابس الوانها حلوه وفاتحه وعليها حركات دنتيلات مااشوفها الا بالافلام بس اخذت كم واحد وسيع علشان البسهم ين مااولد والبقيه لبعد الولاده وكل لبس طقمت معه ملابسه الداخليه وقالت قمصان النوم بعد الولاده ان شاء الله ...اشتريت عطر وكريم و ناقصني ومو موجود معي كله ورحت للبيت فرحانه واول مادخلت لقيته معصب لاني تاخرت قلت كنت في السوق مسك الباب وطلع برا حطيت الاغراض ورحت اغير ملابس ولدي وبنتي وسويت له كلن سندويش وحليب اكلوا وناموا وسويت له العشا ورتبت البيت وبخرته الي اشتريته دخلت اخذ شور وغيرت السبابيح ههههه ولبست واحد ي اخذتهم مشطت شعري وتعطرت وجلست انتظر الزعلان يوصل رجع للبيت 12.5 بالليل متأخر مو عادته العاده يطلع من بعد اذان المغرب ويرجع 11 الظاهر طلعته تعويض عن الوقت انا كنت فيه بالسوق المهم لما دخل شم ريحت البخور قال من وين هالبخور قلت اشتريته قال وينه شافه وكتب اسمه شم العطر فيني قال انتي متعطره قلت ايوه قال رحته حلوه هاتي اشوفه وريته بعد كتب اسمه وانا مستغربه من حركاته ...غير ملابسه قلت تعال تعشا قال مابي ونام وماعلق اي تعليق على ملابسي ابدا ابدا ولا على اي شئ اخذت بخاطري ورحت اتعشا سألت نفسي مقعوله زوجي في حياته غيري ورديت على نفسي لا لا مستحيل زوجي ملتزم ومستحيل يخونني ورحت انام ... المهم جا اليوم فيه بعد تبدلت الموازين يوم ولادتي تعسرت الولاده وقدر الرحم الرحيم اولد بعمليه جراحيه المشيمه كانت بتنزل قبل والولد بخطر وصارت العمليه وجلست بالمستفشى 15 يوم عمليه بالاضافه للحمى المعتاده وهنيه صار غصب يجيب خدامه كيف بتحرك وبشتغل والبيت بدون خدامه وانا بعمليه قيصريه ...طلعت من المستشفى جلست اربع ايام وامي معي المسكينه تشتغل وفي اليوم الخامس وصلت الاندونوسيه ...وحمدت ربي قلت رب ضارة نافعه ...جلست شهر وانا التوى من التعب وخاصة انه العمليه التهبت علي وعانيت معاناه وكان عصبي لانه ماكان يقدر يطلع ويخليني وهالحركه جات بحسابه لاني حسيت اني شئ مهم عنده خلصت الشهر وهذيك الايام كان عرس اخواتي ..واخواتي تولن موضوع تفصيل ثوب العرس لاني مااكنت اقدر اتحرك خلال فترة الاربعين كنت مهتمه بصحتي اهتمام خيالي الاشياء اللي تضر العمليه وقفتها وقللت اكل الاشياء الدسمه وظليت على السوائل والسلطات اللحوم فقط لم جا يوم العرس رحت لاخواتي للصالون وهناك لابست فستناني وتمكيجت وسويت تسريحتي ورجعني اخوي للبيت علشان اخذ ولدييكان ماسكنه زوجي قلت للخدامه لبسي الاولاد ودخلت عليه لم شافني زوجي كان بيطيح من الكرسي وهذيك الساعه مو هامني يطيح ولا لا ...همني ولدي بيده كان همي اكثر قلت انتبه للولد حطه بسرعه على الكنبه وجاني يركض والابتسامة بتشق وجهه قال ثلاث كلمات ورا بعض" وين من كيف " وهو يطالعني وشويه من الفرحه بيطير قلت بسم الله عليك شوفيك قال الظاهر مو اخواتك العرايس شكلك انتي العروس طلعت هذيك الضحكه اللي تقطعت حنجرتي وانا اتمرن عليه وعطيته ظهري ورحت اتمشى لتسريحتي البس الذهب وهو مصمت مكانه قلت له بنروح ولا لا قال لا اقصد ايه قلت بسرعه وراح يلبس وكل مايمر يحط وجهه بيني وبين المرايه يطالع فيني ...الصراحه حسيت بغصه كنت ببكي حسيت اني بالغباء كنت عايشته وعدم معرفتي حرمته من اروع الامور واحلى اقلها كحل يشوفه بعيوني ولكني اخذت عهد على نفسي اني اتعلم فنون الماكياج علشان اتعدل ليل نهار له ...المهم رحنا للعرس وكل شويه يرسل يلا بنروح قلت شو فيك حتى العرايس مادخلوا الصاله اصبر قال زين خلاني عشر دقايق وارسل يلا بنروح اخر شئ طنشته واول مازفوا العرايس جيت ادور زوجي علشان اروح مالقيته ...سالت اخوي قال طلع من ثلاث ساعات قلت غريبه وين راح المهم طلبت من اخوي يوصلني ورجعت للبيت كلها ساعه الا وهو داخل طالعته بنظرة عتب وينك قلت كان واحد محتاج لي ورحت له وراح ينام هالحزه مو حسيت الا تأكدت انه احد في الخط وقلت الحين بدأت الحرب ولازم انتصر لو بالحلال مو مشكله بقول نصيب لكن المشكله لو كان الموضوع حرام بحرام ...رحت غير ملابسي مسحت مكياجي وانا اسال نفسي كان مشتاق لي متلهف لي ليش الحين مو مهتم ونام غيرت ولبست ملابس النوم وركض لدفتر اختي الحبيبه اشوف يمكن احصل اجابه لسؤالي ولقيت هالسطر...اذا طلب الزوج من زوجته بشوق عليها ان تلبيه وإلا لو كان في حياته امرأه فانها ستكون السابقه حتى لو كانت عشيقه من عشرين سنه لانه في وضع مايتحمل الانتظار انتبهن اخواتي للنقطه هذي في اي وقت زوجك يطلبك للفرش لاتهمليه روحي ولا باب الحرام موجود ...عدينا ليلتنا على خير ...وكان القلب يحترق من الشك والغيره .. ثاني يوم اختي سافرت لشهر العسل وبكذا عانيت الامرين لاني ماكنت اعرف كيف اتصرف .....
............. مو لازم نذكر دول بنختصر الكلام انه عاداتها مو مثل عاداتنا وعلشان يعقلونه قالوا له بنزوجك وسوت امه المستحيل علشان تفرقه عنها ونجحت بانه زوجته وحده مااقول فيها من ملامحها ولكن كان شكلي قريب لهذي النوعيه من البنات ...صح الشكل قالت لاحظي بالسياره في شئ بملابسه في اي شئ امام ملابسه كان لما يرجع للبيت مستحيل يرجع يلبسهم ولم يطلع من عندي يلبس جديد ومكوي ومرتب وجلست اترصد ملابسه هالروج قال المطلوب الحين بعد ببرود قلت طلقني ضحك قال اوكي روحي لبيت ابوك وبتجيك ورقتك كلمته سويت رنين باذني وجلست اردد كلامه مثل المهووسة اروح بيت اهلي وورقتي بتجيني اتصلت لاختي اعلمها قالت ليش تهورتي لكنت صبرتي نعرف شو الموضوع قلت ماابي افهم ابي ارجع لبيت اهلي ماعاد لي جلسه هنيه قالت لا تسوينها انصحك قلت مـــابي ركبت راسي ورحت لبيت اهلي سالني ابوي رحمة الله عليه شو اليصار قلت تهاوشنا وولم عصبت طلبت الطلاق قال روحي لبيت ابوك وورقتك بتوصلك قال ابوي اوكيه اجلسي حياك الله نشوف حل لموضوعك الله يرحمك يابوي المهم لا زوجي جاني ولا الورقه جات ويحطني ببيت اهلي خمس شهور ...تعبت نفسيا ولكني كنت اكابر واضحك على روحي واقول خليه يولي ...انا مو خسرانه شئ وتبون الصدق كنت خسرانه وخسرانه بعد بأسلوبي هذاك فتحت له المجال وخليته ياخذ راحته معها اكثر ...اخوي الكبير لما شاف الموضوع زاد عن حده وهو ماقام يسال لاعني ولا عن عياله اتصل فيه قال فلان وينك نشوفك طولت قال مشغول مشغول وقفل موبايله تضايق اخوي وراح له لبيته قال له اسمع الحرمه ماتنركن وبنفس الوقت ماتنمسك قال شو القصد قال القصد اختي شاع عنها بين الناس انك مطلقها وامس جاني واحد من عيال العم ميته زوجته ويبي وحده عاقله وفاهمه ومو مشكله تكون مطلقه يعني قال زوجي كيف وانا ماطلقتها من الاساس انتم تبون تخترعون نظام جديد من عندكم تزوجون وتطلقون على كيفكم قال نحن مانخترع شئ بس انت حاطها للكلام رايح وا جاي وانت مو حاسس قال خير خير بجي بكره اكلم ابوك وبرجعها ...اخوي كان ماسك نفسه بالغصب ويحلف كان ودي اضربه الي مايأدب ولكن قلت مابي اخرب عليك لو فيه امل ترجعين لزوجك ...اخوي ماعلمني انه راح له انتظر اخوي يوم اثنين اسبوع وصلنا لثمان شهور وانا ببيت اهلي وهو ولا سائل فيني ولا حتى يمر يشوف عياله قال اخوي انا بعلمه الادب وراح اخوي يستكشف مكان عمل هال مخلوقه من الرقم عندي ويقول اخوي لما شفتها كان بيغمى عليه قال ليـــت كل الحرم هذي انوثتها مو طبيعيه هالانسانه قال انتي وين وهذي وين يالعربجيه لو انا مكان زوجك امسح بك البلاط مو اخليك ببيت اهلك ولا احطك مداس لرجولها انقهرت من كلام اخوها ....قال لكن والله لادبه هو واياها زوجي عسكري وطبعا نظام كل بلد مايتزوج الا من بلده وكان زواجه بالسر ...وقام اخوي يشيع بين الضباط عن سالفة زواجه الثاني يوم اطلبوه وسالوه عن الموضوع وانكر زوجي قال لا انا متزوج من بلدي بس وحس زوجي انه بيخسر عمله لكنه واصل معاها المهم كملت سنه وانا ببيت اهلي وهو لاسائل فينا انا شو سويته بهذي السنه اهتميت بنفسي كثير اكلي شربي غيرت وايد في نظام حياتي حذفت الي ماله داعي وبديت اتعلم حركات الدلع واخذت ثلاث دورات مكثفه بالماكياج تخيلوا وقبل كل هذا رحت لاقرب مستشفى اخذ حبوب مهدئه لانه النفسيه منحطه جدا جدا واذكر هذاال بعد عمل نقله رائعه بحياتي كان 10 شعبان وكانت في محاضره دينيه في المسجد الي بمنطقتنا ورحت مع اخواتي وبنات الجيران علشان نسمعها لانها كانت تتكلم عن رمضان وجلس الشيخ يتكلم عن اهمية الدعاء والتقرب لله وانه الانسان لازم يصفى قلبه وكل الاعمال ترفع لله الا ثلاث ومن ضمنها مشاحن حسيت كلامه كانه موجه لي لكن كان صوت بقلبي يقول انا ماغلطت عليه هو غلط علي هجرني حرمني لكن دست على قلبي وقلت لازم استغر ربي ماابي عملي مايقبل مستحيل احرم هالاجر ومن طلعت من المسجد وانا ابكي رحت لامي قلت لها سامحيني لو غلطت عليك قالت مسموحه مع انك ماغلطتي بشئ رحت لحبيب قلبي الله يغفر له ويرحمه لقيته جالس بحديقة البيت يفكر بمشكلتي قلت له ابوي تدري انه رمضان قرب قال ادري قلت تدري انه المشاحن مايقبل عمله قال ايه قلت شئ بقلبك عليه ابتسم الله يغفر له وبرحمه قال ليت في عيلتى اثنين من نفس طينتك لكنت مرتاح ومن يومها توجة لرب العباد بالدعاء انه الله يفرج همي وينصرني على من ظلمني ويأخذ بحق طول بعرض ودخل رمضان وبدخوله كملت اكون وصلت للشهر 11 ببيت ابوي وماشفت فيه زوجي ولاني ولدت ولدي الثالث بشوال كملنا سنه وابوه شافه بس لما كان بشهوره الاولانيه
المهم قالت اختي شو رايك نروح انا وانتي مع اخوي نشتري ملابس للبيبي ومنها تأخذين شئ لنفسك لاني بروح اشتري شوية اشياء ناقصتني تدرين قرب موعد العرس قلت زين قلت لزوجي بروح معهم فرح لاني بفارق وجهه وقال روحي قلت ابي فلوس قال شيلي الي تبينه كان عندي احساس انه عنده شئ ويبي يفتك من وجهي لكن قلت كلمة وانا كنت حالفه اني اسويها اجيب راسه اجيبه حتى لو كلفني هالشئ عمري المهم اعيش مثل اي وحده بحب واهتمام لاني استحق هالشئ وانا الاولى...
رحنا معهم وكنت مو متعوده اروح اشتري كان هو يشتري لي حتى الملابس الداخليه ماكان يحب ياخذني معه لاي مكان لما شفت الاسواق شو فيها من بلاوي وكيف البنات يلبسون وكان الناس عايشه جلست اقول من كذا مايطالع فيني يشوفني ماانتمى للعالم الانثوي ابدا ...المهم اخذت للبيبي ملابس ورحت اشوف شئ لنفسي واختارت لي اختي ملابس الوانها حلوه وفاتحه وعليها حركات دنتيلات مااشوفها الا بالافلام بس اخذت كم واحد وسيع علشان البسهم ين مااولد والبقيه لبعد الولاده وكل لبس طقمت معه ملابسه الداخليه وقالت قمصان النوم بعد الولاده ان شاء الله ...اشتريت عطر وكريم و ناقصني ومو موجود معي كله ورحت للبيت فرحانه واول مادخلت لقيته معصب لاني تاخرت قلت كنت في السوق مسك الباب وطلع برا حطيت الاغراض ورحت اغير ملابس ولدي وبنتي وسويت له كلن سندويش وحليب اكلوا وناموا وسويت له العشا ورتبت البيت وبخرته الي اشتريته دخلت اخذ شور وغيرت السبابيح ههههه ولبست واحد ي اخذتهم مشطت شعري وتعطرت وجلست انتظر الزعلان يوصل رجع للبيت 12.5 بالليل متأخر مو عادته العاده يطلع من بعد اذان المغرب ويرجع 11 الظاهر طلعته تعويض عن الوقت انا كنت فيه بالسوق المهم لما دخل شم ريحت البخور قال من وين هالبخور قلت اشتريته قال وينه شافه وكتب اسمه شم العطر فيني قال انتي متعطره قلت ايوه قال رحته حلوه هاتي اشوفه وريته بعد كتب اسمه وانا مستغربه من حركاته ...غير ملابسه قلت تعال تعشا قال مابي ونام وماعلق اي تعليق على ملابسي ابدا ابدا ولا على اي شئ اخذت بخاطري ورحت اتعشا سألت نفسي مقعوله زوجي في حياته غيري ورديت على نفسي لا لا مستحيل زوجي ملتزم ومستحيل يخونني ورحت انام ... المهم جا اليوم فيه بعد تبدلت الموازين يوم ولادتي تعسرت الولاده وقدر الرحم الرحيم اولد بعمليه جراحيه المشيمه كانت بتنزل قبل والولد بخطر وصارت العمليه وجلست بالمستفشى 15 يوم عمليه بالاضافه للحمى المعتاده وهنيه صار غصب يجيب خدامه كيف بتحرك وبشتغل والبيت بدون خدامه وانا بعمليه قيصريه ...طلعت من المستشفى جلست اربع ايام وامي معي المسكينه تشتغل وفي اليوم الخامس وصلت الاندونوسيه ...وحمدت ربي قلت رب ضارة نافعه ...جلست شهر وانا التوى من التعب وخاصة انه العمليه التهبت علي وعانيت معاناه وكان عصبي لانه ماكان يقدر يطلع ويخليني وهالحركه جات بحسابه لاني حسيت اني شئ مهم عنده خلصت الشهر وهذيك الايام كان عرس اخواتي ..واخواتي تولن موضوع تفصيل ثوب العرس لاني مااكنت اقدر اتحرك خلال فترة الاربعين كنت مهتمه بصحتي اهتمام خيالي الاشياء اللي تضر العمليه وقفتها وقللت اكل الاشياء الدسمه وظليت على السوائل والسلطات اللحوم فقط لم جا يوم العرس رحت لاخواتي للصالون وهناك لابست فستناني وتمكيجت وسويت تسريحتي ورجعني اخوي للبيت علشان اخذ ولدييكان ماسكنه زوجي قلت للخدامه لبسي الاولاد ودخلت عليه لم شافني زوجي كان بيطيح من الكرسي وهذيك الساعه مو هامني يطيح ولا لا ...همني ولدي بيده كان همي اكثر قلت انتبه للولد حطه بسرعه على الكنبه وجاني يركض والابتسامة بتشق وجهه قال ثلاث كلمات ورا بعض" وين من كيف " وهو يطالعني وشويه من الفرحه بيطير قلت بسم الله عليك شوفيك قال الظاهر مو اخواتك العرايس شكلك انتي العروس طلعت هذيك الضحكه اللي تقطعت حنجرتي وانا اتمرن عليه وعطيته ظهري ورحت اتمشى لتسريحتي البس الذهب وهو مصمت مكانه قلت له بنروح ولا لا قال لا اقصد ايه قلت بسرعه وراح يلبس وكل مايمر يحط وجهه بيني وبين المرايه يطالع فيني ...الصراحه حسيت بغصه كنت ببكي حسيت اني بالغباء كنت عايشته وعدم معرفتي حرمته من اروع الامور واحلى اقلها كحل يشوفه بعيوني ولكني اخذت عهد على نفسي اني اتعلم فنون الماكياج علشان اتعدل ليل نهار له ...المهم رحنا للعرس وكل شويه يرسل يلا بنروح قلت شو فيك حتى العرايس مادخلوا الصاله اصبر قال زين خلاني عشر دقايق وارسل يلا بنروح اخر شئ طنشته واول مازفوا العرايس جيت ادور زوجي علشان اروح مالقيته ...سالت اخوي قال طلع من ثلاث ساعات قلت غريبه وين راح المهم طلبت من اخوي يوصلني ورجعت للبيت كلها ساعه الا وهو داخل طالعته بنظرة عتب وينك قلت كان واحد محتاج لي ورحت له وراح ينام هالحزه مو حسيت الا تأكدت انه احد في الخط وقلت الحين بدأت الحرب ولازم انتصر لو بالحلال مو مشكله بقول نصيب لكن المشكله لو كان الموضوع حرام بحرام ...رحت غير ملابسي مسحت مكياجي وانا اسال نفسي كان مشتاق لي متلهف لي ليش الحين مو مهتم ونام غيرت ولبست ملابس النوم وركض لدفتر اختي الحبيبه اشوف يمكن احصل اجابه لسؤالي ولقيت هالسطر...اذا طلب الزوج من زوجته بشوق عليها ان تلبيه وإلا لو كان في حياته امرأه فانها ستكون السابقه حتى لو كانت عشيقه من عشرين سنه لانه في وضع مايتحمل الانتظار انتبهن اخواتي للنقطه هذي في اي وقت زوجك يطلبك للفرش لاتهمليه روحي ولا باب الحرام موجود ...عدينا ليلتنا على خير ...وكان القلب يحترق من الشك والغيره .. ثاني يوم اختي سافرت لشهر العسل وبكذا عانيت الامرين لاني ماكنت اعرف كيف اتصرف .....
............. مو لازم نذكر دول بنختصر الكلام انه عاداتها مو مثل عاداتنا وعلشان يعقلونه قالوا له بنزوجك وسوت امه المستحيل علشان تفرقه عنها ونجحت بانه زوجته وحده مااقول فيها من ملامحها ولكن كان شكلي قريب لهذي النوعيه من البنات ...صح الشكل قالت لاحظي بالسياره في شئ بملابسه في اي شئ امام ملابسه كان لما يرجع للبيت مستحيل يرجع يلبسهم ولم يطلع من عندي يلبس جديد ومكوي ومرتب وجلست اترصد ملابسه هالروج قال المطلوب الحين بعد ببرود قلت طلقني ضحك قال اوكي روحي لبيت ابوك وبتجيك ورقتك كلمته سويت رنين باذني وجلست اردد كلامه مثل المهووسة اروح بيت اهلي وورقتي بتجيني اتصلت لاختي اعلمها قالت ليش تهورتي لكنت صبرتي نعرف شو الموضوع قلت ماابي افهم ابي ارجع لبيت اهلي ماعاد لي جلسه هنيه قالت لا تسوينها انصحك قلت مـــابي ركبت راسي ورحت لبيت اهلي سالني ابوي رحمة الله عليه شو اليصار قلت تهاوشنا وولم عصبت طلبت الطلاق قال روحي لبيت ابوك وورقتك بتوصلك قال ابوي اوكيه اجلسي حياك الله نشوف حل لموضوعك الله يرحمك يابوي المهم لا زوجي جاني ولا الورقه جات ويحطني ببيت اهلي خمس شهور ...تعبت نفسيا ولكني كنت اكابر واضحك على روحي واقول خليه يولي ...انا مو خسرانه شئ وتبون الصدق كنت خسرانه وخسرانه بعد بأسلوبي هذاك فتحت له المجال وخليته ياخذ راحته معها اكثر ...اخوي الكبير لما شاف الموضوع زاد عن حده وهو ماقام يسال لاعني ولا عن عياله اتصل فيه قال فلان وينك نشوفك طولت قال مشغول مشغول وقفل موبايله تضايق اخوي وراح له لبيته قال له اسمع الحرمه ماتنركن وبنفس الوقت ماتنمسك قال شو القصد قال القصد اختي شاع عنها بين الناس انك مطلقها وامس جاني واحد من عيال العم ميته زوجته ويبي وحده عاقله وفاهمه ومو مشكله تكون مطلقه يعني قال زوجي كيف وانا ماطلقتها من الاساس انتم تبون تخترعون نظام جديد من عندكم تزوجون وتطلقون على كيفكم قال نحن مانخترع شئ بس انت حاطها للكلام رايح وا جاي وانت مو حاسس قال خير خير بجي بكره اكلم ابوك وبرجعها ...اخوي كان ماسك نفسه بالغصب ويحلف كان ودي اضربه الي مايأدب ولكن قلت مابي اخرب عليك لو فيه امل ترجعين لزوجك ...اخوي ماعلمني انه راح له انتظر اخوي يوم اثنين اسبوع وصلنا لثمان شهور وانا ببيت اهلي وهو ولا سائل فيني ولا حتى يمر يشوف عياله قال اخوي انا بعلمه الادب وراح اخوي يستكشف مكان عمل هال مخلوقه من الرقم عندي ويقول اخوي لما شفتها كان بيغمى عليه قال ليـــت كل الحرم هذي انوثتها مو طبيعيه هالانسانه قال انتي وين وهذي وين يالعربجيه لو انا مكان زوجك امسح بك البلاط مو اخليك ببيت اهلك ولا احطك مداس لرجولها انقهرت من كلام اخوها ....قال لكن والله لادبه هو واياها زوجي عسكري وطبعا نظام كل بلد مايتزوج الا من بلده وكان زواجه بالسر ...وقام اخوي يشيع بين الضباط عن سالفة زواجه الثاني يوم اطلبوه وسالوه عن الموضوع وانكر زوجي قال لا انا متزوج من بلدي بس وحس زوجي انه بيخسر عمله لكنه واصل معاها المهم كملت سنه وانا ببيت اهلي وهو لاسائل فينا انا شو سويته بهذي السنه اهتميت بنفسي كثير اكلي شربي غيرت وايد في نظام حياتي حذفت الي ماله داعي وبديت اتعلم حركات الدلع واخذت ثلاث دورات مكثفه بالماكياج تخيلوا وقبل كل هذا رحت لاقرب مستشفى اخذ حبوب مهدئه لانه النفسيه منحطه جدا جدا واذكر هذاال بعد عمل نقله رائعه بحياتي كان 10 شعبان وكانت في محاضره دينيه في المسجد الي بمنطقتنا ورحت مع اخواتي وبنات الجيران علشان نسمعها لانها كانت تتكلم عن رمضان وجلس الشيخ يتكلم عن اهمية الدعاء والتقرب لله وانه الانسان لازم يصفى قلبه وكل الاعمال ترفع لله الا ثلاث ومن ضمنها مشاحن حسيت كلامه كانه موجه لي لكن كان صوت بقلبي يقول انا ماغلطت عليه هو غلط علي هجرني حرمني لكن دست على قلبي وقلت لازم استغر ربي ماابي عملي مايقبل مستحيل احرم هالاجر ومن طلعت من المسجد وانا ابكي رحت لامي قلت لها سامحيني لو غلطت عليك قالت مسموحه مع انك ماغلطتي بشئ رحت لحبيب قلبي الله يغفر له ويرحمه لقيته جالس بحديقة البيت يفكر بمشكلتي قلت له ابوي تدري انه رمضان قرب قال ادري قلت تدري انه المشاحن مايقبل عمله قال ايه قلت شئ بقلبك عليه ابتسم الله يغفر له وبرحمه قال ليت في عيلتى اثنين من نفس طينتك لكنت مرتاح ومن يومها توجة لرب العباد بالدعاء انه الله يفرج همي وينصرني على من ظلمني ويأخذ بحق طول بعرض ودخل رمضان وبدخوله كملت اكون وصلت للشهر 11 ببيت ابوي وماشفت فيه زوجي ولاني ولدت ولدي الثالث بشوال كملنا سنه وابوه شافه بس لما كان بشهوره الاولانيه
وأخيرا عادت الام الى بيتها بعدما تغيرت فى كل شئ وتعلمت الدرس كيف تحمى نفسها وكيف تجعل زوجها يشتاق اليها ولاينظر للآخرين
===================================================
ومازالت الحياة مستمرة
ومازالت الحياة مستمرة
