أصعب شيء ..
أصعب شيء لما تحس أنك وحداني بتدورعلي حد تحكيله همومك وتعبك ومنتش لاقيه ؟
أصعب شىء لما تكون محتاج لحد قوى وتدور عليه وتتفاجأ أن هو جنبك بس مش حاسس بيك ولا باللى جواك
لاء وكمان بيحاول يستفزك كمان وكمان وبيستغل حبك وإحتياجك له ويضغط عليك زيادة وتبقى الكلمة على لسانك وعايز تقولها بس حبك ليه بيمنعك من أنك تجرحه ويخليك تخاف على مشاعره . أصعب شىء لما تحب الناس من قلبك وتديهم كل ثقتك وهما للأسف بيطعنوك فى ضهرك .
أصعب شىء لما تفضل تعطي وتعطي ولا حد عمره فكر يبادلك الشىء اللى بتعطيه دة ويقدر عطاءك له .
أصعب شىء لما تحس أنك العاقل الوحيد فى بلد المجانين أو العكس بمعنى أصح أنك المتخلف الوحيد عن اللى حواليك .
أصعب شىء لما تحلم أحلام بسيطة وواقعية مش خيالية ويبقى نفسك تحققها وتتفاجأ بسقوط كل حلم ورا التانى بدون ما يتحقق .
أصعب شىء لما تعيش فى زمن غريب وتحس أنك جيت فى الزمن الغلط لا هو مناسبك ولا أنت مناسبه لكن مجبور على العيشة فيه والسلام .
أصعب شيء لما تفضل طول عمرك مستني فرصة حلوة بتتمناها تجيك علشان تغير من أحوالك شوية وتفضل طول الوقت مستنيها ولا بتيجي .
أصعب شيء لما تكون قدام الناس بتضحك وفرحان وأنت من جواك جبال من الحزن والهم ؟ .
أصعب شيء لما تضغط علي نفسك وتضحي عشان ناس ما تستاهلش ومع أنك عارف دة إلا أنك بتتصرف بطبيعتك وعقليتك أنت .
أصعب شيء لما تلاقي حقك بيضيع هدر قدام عينيك وتفضل ساكت وعاجز مش قادر ترجعه من تاني .
أصعب شيء لما توصل لدرجة أنك ما تبقاش متحمل حد ولا حتي نفسك لكن مغصوب أنك تستحمل عشان ما تزعلش حد منك لكن فين زعلك أنت مش مشكلة أصله مش مهم .
أصعب شيء لما تلاقي الدنيا دايماً معانداك ومش بتديك اللي أنت عايزه ومع ذلك أنت راضي برضو باللي مقسوم ليك .
كلها اشياء صعبة فعلاً لكن علينا تحملها .
ليست هناك تعليقات:
إرسال تعليق