ادخل خفوقي شــوف نفسك فيه

 

 

 مدخل

تعال ادخل خفوقي شــوف نفسك فيه
تلاقـــيك المــــــــــلك والناس واللابه

تعال و شـــف بعـــينك يا غــلا غاليه
مسـاييره وجلاســــه وأحبـــــــــــــابه

تلاقيك الوحــــــــيد بطلتك حـــــــاويه
شـــجـونه يا كيانه أنت,, واعجــــابه
_____________

يا حبيبي يا بعد عمــــــري تعال
داعــــب احضاني ودفّيني معــك

هَــزّني يا منوتي بردالشــــــــمال
لمّني ما بين كفّـــــــك و اصـبعك

واحتويني وارتشــــفني من زلال
و انتثر فيني و المّـــك و اجمَعك

ضمّني في داخـــلك يا بن الحلال
و اروني عطر الغلى من منبعـك

واسْـــتظل بخـافقـي دلّ وّ وصال
واهمـــس بقلبي وغنّي واسمعك

قلّب اشواقي حبيبي بالعـــــدال
ما بها غيرك تهـــــيم و ترتعك

غوص باعماقي بلطفك والدلال
و اسـتثير بداخلــي مسـتودعك

أنت فيني دنيتي وانت المحـال
وانت وردات المشاعر مطلعك

بين نبضي والمشاعر والخيال
خافقي دايم يشـــــوفك يسمعك
_____

مخرج

لي قلب ما به يا حــبيبي مخـارج
ما له ســوى مدخل و بَعدك قفلته

ما يدهـــــلة يا مالكــــه أي دارج
ما غيرك انته سيّــــد القلــب أنته