( بسم الله الرحمن الرحيم )
الله يمهل ولا يهمل
شاب فضح بنت وعاقبه الله بشيء لايصدق
_______________________________________
هذه قصة واقعية وانا نقلتها لكم لاخذ العظة والعبرة بأن الله يمهل ولا يهمل
القصـــــة
قال أحد الاصدقاء انه سأل الدكتور شنو المواقف العجيبة اللي مرت عليك ؟!..
قال له قول النوع اللي تريده ؟..
قلت : أعجب مامر عليك خلال عملك بالمستشفى
قال : الشي اللي مو طبيعي ومر علي خلال 13 سنة عمل بالمستشفى هو أن مرة أحد المرضى شاب 22 سنة جاء يستشيرني بخصوص شي إعتقدت بالبداية أنه بسيط وعلاجه سهل ..
هو أنه حسب ما قالت لي الممرضة قبل ما يدخل أنه فيه بقع على الشاب بيده .. ويريد يستشير بأي طريقة يشيله ..
ويوم دخل عليّ الشاب لاحظت أنه لابس قفازات وسلم علي وهو لابسهن ويوم حاولت معه يمين وشمال أريد اشوف إيده والبقع الظاهرة عليها ..
قال : إنت إستشاري ولا إيش ..
قا ل الدكتور: للشاب أنا ما أقدر أساعدك إلا إذا شفت الحالة بعيني ..
أقتنع الشاب بصعوبة وفسخ القفازات ..
قال الدكتور : شفت شي عجيب مكتوب ببقع الخال على يده اليمين بس اسم بنت فلانة بنت فلان يقول أنا أحسبه بالبداية مكتوب بخط يد أو وشم لكن يوم دققت فيه طلع فعلا" دم جامد مثل مايسمونه بقع خال ..
إستغربت !؟.. وسألت المريض كيف جاك هالشي .. هل هو منذ الولادة ..
(الدكتور يقول توقعت انه ولد غير شرعي أو من هالقبيل وإسم أمه مكتوب على يده من يوم ما تولد )
لكن الشاب رفض يتكلم ويوم حاول معه الدكتور وقال استنتاجه انه يمكن أنه ولد غير شرعي واستفزه .. عصب الشاب وبكى وقعد يقول القصة للدكتور ..
وقال الشاب : ( ودموعة تنهمر ) عرفت فتاة بنت بنفس عمري عن طريق الهاتف وصارت بيننا مكالمات على مدى 8 شهور وثقت البنت بي وقالت اسمها الكامل وتعرفنا على بعض زين ..
ويوم من الايام طلبت منها اننا نتقابل بأحد الاسواق والبنت رفضت رفض كلي .. وصرت اترجاها على مدى شهر .. ماكو فايدة .. البنت اصرت انه مانتقابل طفح الكيل وهددتها اني افضح اسمها لوما قابلتني فرفضت .. وقالت : انه عذاب اهلها خير لها من انها تقابله ..
وفعلت فعلتي ..
ونشرت اسمها بين اصحابي ..
وكتبت اسمها على احد الجدران فلانه بنت فلان ..
بعدها بأسبوع او اسبوعين ظهرت البقع على ايدي بالضبط نفس الخط اللي كتبته على احد الجدران وانا نادم على اللي سويته وودي لو اتخلص من يدي بأي طريقة ..
الدكتور: نعم انت غلطت اليس لديك اخوات تخاف ان يفعل بهن مثل مافعلت ولم يستطيع الشاب ان ينطق اي كلمة واخذ يجهش بالبكاء ويكلمني ..
بعد كذا حولته على مختص الليزر والحروق وإتفقوا على موعد ويوم راح الاسم اللي مكتوب على يد الشاب ارتاح نفسيا .. ونام في المستشفى على احد الاسره بعد التعب النفسي ..
لكن يوم صحى بصباح ذاك اليوم رجع على يده الاسم مثل ماكان عليه قبل العملية وحاولنا مرة ثانية وثالثة تبقى بعد العملية مثل الحروق ومن الصبح ترجع مثل ماكانت بعد العملية ..
قلنا له : انه مافيه علاج ثاني غير المراهم وانه راح تاخذ وقت طويل حتى تختفي ..
(الدكتور يقول : احنا عارفين ان مافيه فايدة من المراهم .. لكن مانريد الشاب يتعب نفسيا" ويجيه شيء .. وكل شهر يجيي الشاب يراجع ويقول مافاده المراهم .. وانا اقول له الصبر زين .. ونصحتة بأحد المرات انه يكلم البنت اللي نشر اسمها ويروح يمسح الاسم اللي كتبه على الجدار ..
وفعلا راح ..
ومسح الاسم اللي على الجدار وكتب بداله سبحان الله وبحمدة سبحان الله العظيم ..
ويوم كلم البنت بعد جهد لأنها ماكانت تريد ترد عليه
وقال لها القصة والبنت .. لأنها ما وصل لأهلها قصة أنها كانت تكلم فلان واسمها مكتوب على احد الجدران .. وأنه هالشاب مسحه .. وكتب بداله تسبيح وتحميد ..
ونصحته انه يتوب ويروح لمكة ويدعي له ويمسح اسم البنت اللي على يده بماء زمزم خلال اسبوع يروح الاسم .. وفعلا" الشاب سوى اللي قالته البنت .. وقعد بمكة بعد كل صلاة يمسح الاسم على يده بماء زمزم وخلال 10 ايام ..
يقول الشاب للدكتور : سبحان الله والله الإسم إنمسح بعد صلاة الفجر من يدي مثل ماينمسح الحبر من اليد اذا جاه مي ..
والدكتور يكمل كلامة ويقول : من ذاك اليوم قاطعته أنا من هالسالفة قال 4 سنوات
تقربيا" ..
ومن ذاك اليوم وهو كل شهر يزورني مرة .. وقال انه تزوج تلك الفتاة اللي حاول يفضحها بعد ماهداه الله وله منها ولد وبنت ..
{[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ .. إلهي لكـ الحمد والشكر نستغفركـ ياعفو ياغفور ]} 5 
ليست هناك تعليقات:
إرسال تعليق