قصة طالب راح ديستلم النتيجة شوفوا شصار بيه
باللهجة العراقية
يقول الطالب : طبعاً واني ادور على نتيجتي بالنت وبعد محاولات بائت بالفشل
صراحة مارجعت خايبه قريت هاي القصة الحلوة بفد منتدى داسال بيه على النتيجه
ويعني صبرتني شويه كلت ليش مستعجله على النتيجه لعد
هاكم اقروها الطالب بنفسه يحجيهااليوم احجيلكم قصه ذهابي الى الكليه لاستلام النتيجه
جنت نايم على الكاشي من شد الحر الموجود بالعراق لان تعرفون الكاشي يخزن هو المبرده البارد ويبقى لعده ساعات وهو املنه الوحيد من تطفى الكهرباء واكو هسه نازله نوعيه مال كاشي جديده اتبقي البروده لمده تصل الى اكثر من 7 ساعات هسه اني وين رحت لياموضوع
المهم فخابروني فكعدت من الحلم قصدي كعدت من النوم كالولي اليوم النتائج طلعت
فكمت و كعدت اتريكت وسبحت وبدلت ومشطت واتعطرت كافي جلبت ولبست سيت جديد اول مره ادشنه
عيني كافي اتفيك لان تعرفون بالزي ماكو عطله قصدي بالعطله ماكو زي اي فطلعت من البيت دا انتضر كوستر باب المعضم اشكد عيب لان الكليه بشارع فلسطين فاشرتله
وكف وصعدت ودا اصعد بثقه جان اعثر وردت اتكربس اله شويه هههههههه
فمشه بينهه الكوستر اشرتله حجيه سمينه صعدت خرب انه
جان تكعد يمي جان تلزكني بالجامه كتيلهه حجيه الله يخليج انطيني شويه مجال راح اموت جان التلفون مالتهه كام يدك طلعته من البقجه مالتهه الشايلتهه وياها الف ميه شادته ب100 لاستيكهه جان ادكلي يمه بله ما تقرالي هاي الرساله باوعت خرب انه الشاشه مابيهه ضوه بالكوات قريت له ياه
المهم مشه بينهه الطريق واخذت لي صفنه وكمت افكر بالثوره الليبيه لحد ما وصلت وصحت نازل واكو ناس يريدون يصعدون واحنه انريد ننزل ورادت ا صير عركه هو يوم مش فايت ونزلت حاره الدنيا تسلك سلك يعني اذا واحد يبقه ساعه بالشمس يحصل على الجنسيه السودانيه ودا اتمشه للكليه وشفت فقيره على طريق الكليه دا اعبرهه بس كلت خلي انطيهه اخاف الله يرسبني انطيتهه ربع جان تستلمني بالدعاء مالتهه
فاني انهزمت دكيتهه بركضه لان بعد شي خلصني منهه طبيت الكليه رحت للشباج مال القسم
جان اشوف صايره مذبحه على الشباج عبالك زياره ومجلبن بالشباج عبالك ديطلبون مراد اني كلت ابكلبي اشراح يستلمهه النتيجه
وهذول الكليه هيج مسوين ازدحام جان اصيح حرررام عليكم
جان كلهه تندار عليه جان يكولون وعليكم الحرام ورحمه الله وكامو يستلمون كدامي
احمد راضي نعم ب 5 عااااااا انشتاين ب 3 الله بخت نورتن ترقين قيد ها هاهايي لعد اني اشراح اطلع
اذا انشتاين ونورتن اكلوهه المهم طبيت بنص الهوسه وصار اجعص وردت اختنك
كام اوكسجين ميوصلني بالكوات وصلت الشباك انطيت هويتي بس هذا الحجي
ماد اشوف بس اتلمس جان استلم النتيجهه طلعت من الهوسه حطيت ايدي على جيبي مخموطه محفضتي
خرب انه اشراح يرجعني للبيت جان اباوع على النتيجه اباوعت جان اطلع ناااجح
الله نجحت يعني نجحت من الثالث وبنفس الوقت رحت للرابع ..
وعاشو عيشه سعيده
ليست هناك تعليقات:
إرسال تعليق