زوجي عصبي جداً

زوجي عصبي جداً

👌قصه واقعيه👍🏽

أحد الأخوات .. كاتبة ..

زوجي عصبي جداً ومن يدخل للبيت ينفضنا نفض 

من يوم نسمع صوت سيارته وانا وعيالي ماخذين وضعية الاستعداد ..

اللي في يده جوال يخبيه اللي في يده ايباد يرميه 😐
اللي بجمبه كتاب يجلس يقرأ فيه😐
واللي ماحوله شي يقعد يستغفر ويسبح 😐

مانبيه يهاوشنا

 ومع ذلك إلا يّطلع سبب ينفضنا عشانه

وجا ذاك اليوم اللي رحنا فيه للسوق
وحنا راجعين قلت لزوجي نبغى خبز ولبن 😐

ويجي زوجي بيوقف السياره قدام البقاله
الا وتجي سياره من ورانا وتسبقنا وتلبق في مكاننا 😐

وزوجي يعصب 😡
وينزل يخبط شنطة السياره
ويقول اطلع من موقفي يا كلب 🙄

وينزل منها شاب ويعتذر منه ويقوله : معليش بطلع حسبتك ماراح تدخل

وزوجي ينافخ ويزبد ويرعد ويقصف  ويسبسب بابشع السباب

والرجال يقول : معليش غلطان وبطلع.

وزوجي مكمل يتفلت عليه
وتلاسنوا وتهاوشوا
وزوجي يبي يضارب
والرجال يتعوذ من شره و يقول له :  يارجال كفى الله المومنين شر القتال

وزوجي مكمل سب وشتم
آخر شي قااام ابو عيالي ومد يده عليه💪

وقام الرجال بهدوء
وشال زوجي وكبه في الزباله

😧😧😦😬😟😐

وركب موتره ومشى
وزوجي يقوم يطل عليه من جوا الزباله الكبيره
اللي بجمب المحل
ويهاوش ويسوي حركات ويتفل ومكمل سب 😐

وانا امسك راسي واغمض عيوني 🙈

وينط من برميل الزباله الكبير
ويركب الموتر ولا قال ولا كلمه
ونروح للبيت ماشترينا الخبز واللبن
 ( كلن على همه سرى، وانا على همي سريت)

والحمد لله من ذاك اليوم
ماعاد نفخ علينا وفقدنا صياحه
وصار زوج محترم
 تهقون ليش؟!

عشان مااعايره بذاك الموقف ☺

ومن هذا المنبر احب اشكر الاخ
اللي رماه في برميل الزباله
واقوله : الله يجزاك خير ،
انت غيرت بحركه تستغرق دقيقه
اللي ماقدرت اغيره في زوجي في١٦٦ سنه

رب ضارة نافعة

😂😂😂😂😂😂😂😂